Дархан-Уул аймгийн Онцгой комиссын хуралдаан өнөөдөр /2021.02.10/ 14:00 цагт болж цаг үеийн нөхцөл байдалтай уялдуулан дараах шийдвэрийг гаргалаа:

2021 оны 02 дугаар сарын 11-ний өдрийн 06:00 цагаас эхлэн 2021 оны 02 дугаар сарын 21-ний өдрийн 06:00 цаг хүртэл Дархан-Уул аймгаас гарах, Дархан-Уул аймаг руу орох хөдөлгөөнийг бүрэн хязгаарлалаа. / УОК-оос зөвшөөрвөл Улаанбаатараас хүнс тээвэр нэвтрүүлнэ. Дарханаас тээвэрлэхгүй/

 Мөн дээрх хугацаанд Дархан-Уул аймгийн сумд хоорондын хөдөлгөөнийг хязгаарлалаа. /2021.02.11-21/

2021 оны 02 дугаар сарын 12-ны өдрөөс 2021 оны 02 дугаар сарын 17-ны өдрийг хүртэлх хугацаанд Дархан зах, Дархан Номин, ОУХТ, Дархан их дэлгүүр гэсэн томоохон зах, худалдааны төвүүд амарна. 

 Энэ хугацаанд /2021.02.12-17/ буюу шинийн тавны өдрийг дуустал Төрийн бүх шатны байгууллагууд амарна. /Бүх ажилтан албан хаагчид МУЗГ, УОК, АОК-оос гаргасан шийдвэрийг чанд мөрдөж айл хэсэхгүй байж ард иргэддээ үлгэрлэнэ/ 

 Цагаагчин Үхэр жилийн цагаан сарын баярын өдрүүдээр дээр дурдсан 4 зах, худалдааны төвөөс бусад бүх үйл ажиллагаа одоо мөрдөгдөж байгаа зарчмаар хэвийн үргэлжилнэ.

АЙМГИЙН ОНЦГОЙ КОМИССООС АРД ИРГЭДДЭЭ ХАНДАН ГЭР БҮЛИЙНХЭЭ ХҮРЭЭНД ЦОМХОН САР ШИНИЙН БАЯРАА ТЭМДЭГЛЭХИЙГ УРИАЛЖ БАЙНА.